《才哥》 補 習 歌 王
澳 My God ： 補 習 歌 王
銷 量 1000 破 紀 錄

澳 門 有 冇 歌 手 ？ 有 ， 不 過 數 埋 唔 夠 15 個 ！

澳 門 這 彈 丸 之 地 ， 原 來 也 孕 育 了 一 小 群 熱 愛 音 樂 的 歌 手 。 「 小 」 成 點 ？ 男 歌 手 大 約 有 10 個 ， 女 歌 手 就 5 隻 手 指 有 找 。 炙 手 可 熱 的 ， 有 人 稱 才 哥 的 麥 健 才 ， 在 澳 門 ， 他 是 天 王 ─ ─ 補 習 天 王 ！ 因 為 ， 這 沒 有 人 以 歌 手 為 業 ， 只 有 業 餘 ， 那 管 你 是 銷 量 冠 軍 ， 還 是 爆 騷 王 ， 像 才 哥 ， 也 只 能 是 「 補 習 歌 王 」 ！

記 者 ： 盧 家 蕙
攝 影 ： 梁 細 權

■ 人 氣 歌 手 + 補 習 天 王 ， 才 哥 雙 重 身 份 ， 學 生 當 然 都 可 以 係 Fans 啦 ！

參 賽 21 次 終 獎

麥 健 才 ， 人 稱 「 才 哥 」 ， 他 說 此 名 由 來 已 久 ： 「 當 時 18 歲 ， 仲 讀 緊 大 學 ， 酒 店 實 習 時 ， 男 仔 怕 日 曬 雨 淋 ， 成 日 偷 懶 唔 做 ， 得 我 一 個 肯 擔 擔 抬 抬 ， 久 而 久 之 ， 女 同 學 就 叫 我 做 『 才 哥 』 ， 可 能 因 為 抵 得 諗 。 」 不 過 ， 自 從 另 一 位 澳 門 歌 手 小 肥 為 他 填 了 一 曲 《 才 歌 》 後 ， 多 數 人 也 叫 他 做 「 才 哥 」 。
「 才 哥 」 地 位 被 肯 定 ， 但 入 行 道 路 卻 頗 崎 嶇 ： 「 我 是 參 加 歌 唱 比 賽 出 身 的 ， 總 共 參 加 了 21 次 ， 頭 20 次 都 係 拎 最 佳 台 風 獎 ， 可 能 次 次 都 唱 快 歌 ， 其 他 參 賽 者 比 較 靜 、 唔 郁 。 雖 然 當 時 歌 藝 一 般 ， 但 揀 唱 快 歌 至 少 都 有 獎 捧 回 家 。 」 最 搞 笑 是 連 評 判 都 終 於 睇 唔 過 眼 ， 忍 唔 住 勸 他 改 唱 慢 歌 ： 「 佢 話 拎 第 一 名 人 唔 會 唱 快 歌 ！ 」 聽 取 意 見 後 ， 才 哥 終 於 在 第 21 次 的 比 賽 中 ， 以 黎 明 的 一 首 慢 歌 跑 出 ， 奪 得 第 3 名 ， 更 奪 得 最 受 歡 迎 獎 及 最 佳 台 風 獎 ！

■ 才 哥 扎 根 澳 門 ， 全 沒 有 想 過 到 香 港 發 展 。

■ 在 澳 門 當 歌 手 ， 事 事 親 力 親 為 ， 歌 手 的 身 份 ， 不 是 擺 架 子 的 理 由 。

選 佢 做 特 首

2001 年 出 道 ， 風 頭 一 時 無 兩 ， 首 張 EP 《 Macau United 》 ， 只 收 錄 5 首 歌 ， 大 賣 超 過 1,000 張 （ 不 錯 ， 1,000 張 ， 已 創 下 澳 門 本 土 歌 手 的 最 高 銷 量 紀 錄 ） ， 不 少 大 學 、 中 學 力 邀 他 開 Mini Concert ， 歌 迷 越 來 越 多 。 才 哥 地 位 有 幾 超 然 ？ 網 上 討 論 區 不 少 人 選 他 為 最 受 歡 迎 男 歌 手 之 冠 ， 仲 勁 到 想 佢 接 任 新 一 任 澳 門 特 首 ！ 不 過 人 紅 卻 沒 有 高 高 在 上 ， 17 歲 的 小 歌 迷 Pantene 說 ： 「 才 哥 會 同 我 一 齊 唱 K 、 飲 、 參 加 彌 撒 ， 出 碟 時 又 會 問 我 意 見 ， 歌 詞 填 得 好 唔 好 、 唱 片 封 套 靚 唔 靚 之 類 。 感 覺 好 似 朋 友 ， 我 會 幫 佢 編 接 Show 時 間 表 ， 順 便 做 佢 助 手 ！ 」 這 次 訪 問 ， 亦 由 這 位 小 女 生 代 為 安 排 的 。

麥 Sir 講 道 理

■ 才 哥 稱 得 上 是 數 學 名 師 ， 數 學 奧 林 匹 克 賽 中 多 位 奪 魁 澳 門 生 也 是 其 學 生 。

才 哥 夠 親 切 ， 還 有 一 個 原 因 ， 因 為 他 另 一 個 身 份 是 麥 Sir ， 香 港 人 所 說 的 補 習 天 王 ！ 聽 說 才 哥 的 補 習 社 全 澳 門 最 大 ， 才 哥 不 置 可 否 ： 「 人 畀 面 。 」 經 過 多 番 打 聽 ， 原 來 才 哥 的 補 習 社 坐 擁 過 百 導 師 ， 逾 千 名 學 生 ， 收 入 應 該 好 可 觀 。 不 過 澳 門 人 追 捧 才 哥 ， 還 因 為 他 的 一 顆 善 心 ！ 他 也 承 認 ： 「 補 習 社 有 3 、 4 成 收 入 會 捐 去 明 愛 ， 亦 會 捐 畀 其 他 慈 善 機 構 。 」 07 年 的 最 新 大 碟 《 才 歌 》 ， 連 神 父 都 肯 俾 佢 堂 前 擺 賣 ， 全 因 他 分 文 不 收 。 才 哥 賺 到 錢 ， 但 就 捐 唔 少 ， 綿 羊 仔 都 無 架 ， 寧 願 搭 巴 士 ， 放 工 多 回 家 休 息 。 不 爛 蒲 ， 原 來 澳 門 人 最 Buy 。

非 一 般 天 王 格 局

好 多 人 說 ， 澳 門 民 風 純 樸 ， 有 幾 純 ？ 睇 睇 才 哥 這 位 澳 門 人 氣 天 王 的 風 格 ， 不 難 找 到 蛛 絲 馬 。 大 概 你 會 驚 訝 ， 港 澳 不 足 一 個 鐘 的 船 程 ， 竟 然 會 拉 出 這 麼 大 的 一 段 距 離 。

怕 歌 迷 太 多

先 聽 聽 才 哥 因 為 歌 迷 而 起 的 煩 惱 ： 「 澳 門 人 支 持 本 土 歌 手 一 直 都 好 低 調 ， 估 唔 到 女 歌 迷 多 起 上 來 ， 爭 執 都 好 多 ！ 試 過 有 次 聚 會 搞 到 一 發 不 可 收 拾 ， 結 果 要 報 差 館 。 」 詳 情 他 不 欲 多 談 ， 不 過 自 此 就 決 定 ， 歌 迷 會 人 數 一 直 維 持 40 人 左 右 ， 唔 可 以 太 多 。

 

■ Fans 陪 偶 像 接 受 訪 問 ， 更 有 份 發 言 ， 要 是 在 香 港 簡 直 匪 夷 所 思

 

■ 才 哥 靚 仔 Look

唔 可 以 好 潮

貴 為 澳 門 數 一 數 二 的 歌 手 ， 打 扮 當 然 重 要 ， 不 過 才 哥 在 意 的 ， 卻 叫 人 意 外 ： 「 我 唔 可 以 好 潮 ， 因 為 家 長 、 學 生 都 唔 鍾 意 歌 手 太 型 ， 好 似 今 日 咁 ， 又 Gel 頭 、 恤 衫 扣 少 兩 粒 鈕 ， 會 俾 人 眼 望 望 。 」 女 學 生 會 提 佢 ： 「 麥 Sir ， 你 鈕 未 扣 晒 呀 ！ 」 才 哥 話 面 對 她 們 就 要 梳 分 界 頭 ， 得 穩 重 少 少 。

 

■ 最 新 大 碟 《 才 歌 》

■ 首 張 EP 《 Macau United 》

唱 歌 要 化

至 於 歌 曲 內 容 就 更 嚴 謹 ， 他 說 ， 不 想 對 下 一 代 有 負 面 影 響 。 「 試 過 收 到 某 名 填 詞 人 為 我 寫 的 歌 ， 內 容 講 一 夜 情 ， 我 接 受 唔 到 。 我 希 望 自 己 歌 係 有 正 面 訊 息 ， 好 似 出 呢 隻 碟 ， 多 談 家 長 跟 子 女 關 係 ， 希 望 起 到 化 作 用 。 」

才 哥 Profile

原 名 ： 麥 健 才
年 齡 ： 報 錯 數
歌 手 資 歷 ： 01 推 出 首 張 個 人 EP 《 Macau United 》 ， 另 推 出 過 4 張 大 碟 ， 07 年 新 作 為 《 才 歌 》 。

過 江 龍 小 肥 ： 香 港 歌 手 夠 矜 貴

■ 採 訪 當 日 ， 小 肥 Gel 頭 戴 耳 環 ， 以 澳 門 人 的 準 則 ， 是 太 型 了 吧

 

才 哥 志 不 在 香 港 ， 不 過 澳 門 的 另 一 位 知 名 歌 手 小 肥 ， 最 近 就 過 江 搵 食 ， 準 備 在 香 港 大 展 拳 腳 。 小 肥 一 語 道 出 ， 在 澳 門 當 歌 手 的 辛 酸 。 「 在 澳 門 當 歌 手 根 本 沒 地 位 可 言 ， 出 碟 要 自 資 ， 助 手 、 Sponsor 都 要 自 己 搵 ， 出 Show 時 間 表 、 聯 絡 工 作 都 係 自 己 一 腳 踢 ！ 」 不 過 ， 樂 安 天 命 ， 似 乎 是 澳 門 人 的 特 點 ， 來 香 港 ， 也 只 是 機 緣 巧 合 。 小 肥 笑 說 ： 「 我 10 年 前 已 開 始 唱 歌 ， 一 直 冇 諗 住 來 香 港 發 展 ， 只 係 之 前 幫 過 李 竣 一 、 陳 輝 陽 唱 Demo ， 唱 唱 俾 Paco 注 意 到 ， 先 香 港 。 」

不 再 只 有 酒 廊 歌 手

在 澳 門 ， 他 也 不 例 外 ， 唱 歌 是 兼 職 。 「 我 本 身 是 一 名 設 計 師 ， 澳 門 跟 朋 友 組 成 樂 隊 C-plus ， 都 幾 受 歡 迎 ， Fans Club 最 多 有 300 幾 人 。 」 即 使 「 紅 」 ， 但 也 只 是 唱 別 人 的 歌 ， 「 似 酒 廊 歌 手 。 不 過 近 年 多 了 歌 手 自 行 創 作 ！ 」 唱 作 人 的 冒 起 ， 令 澳 門 歌 手 開 始 受 人 注 意 ， 他 們 亦 開 始 放 眼 香 港 。 小 肥 一 過 江 ， 便 即 時 體 會 到 在 香 港 做 歌 手 確 矜 貴 。 「 家 出 入 有 保 母 車 ， 又 有 助 手 ， 化 妝 、 服 裝 都 有 贊 助 ！ 衣 食 住 行 係 貴 ， 不 過 以 現 時 收 入 來 講 仲 撐 得 住 。 」 當 然 ， 決 定 留 低 ！

小 肥 Profile

原 名 ： 徐 智 勇
年 齡 ： 你 估 啦 ！
歌 手 資 歷 ： 97 參 加 歌 唱 比 賽 入 行 ， 00 年 與 拍 檔 鍾 楚 霖 組 成 C-plus ， 01 年 於 澳 門 舉 行 首 個 音 樂 會 ， 07 年 加 盟 金 牌 娛 樂 進 軍 香 港 樂 壇 。